За разлика од нашата јужна граница каде засега ситуацијата е мирна и не се регистрирани инциденти, тензиите на грчко-турската граница не стивнуваат. Припадниците на грчките безбедносни служби со шок бомби и солзавец се борат против напливот на мигранти, кои чекаат евентуално решение на кризата и отворен пат кон западна Европа.
Решение за бегалската криза засега нема на повидок ниту по посетата на турскиот претседател Реџеп Таип Ердоган во Брисел, каде што европските лидери порачаа дека Ердоган мора да го почитува договорот од 2016 година.
За идната недела Ердоган најави посета на земјата од страна на францускиот претседател Емануел Макрон и германската канцеларка Ангела Меркел со цел продолжување на разговорот во обид да се изнајде решение за проблемот со мигрантите.
The post Шок бомбите и солзавецот го спречуваат напливот на мигранти од Турција appeared first on Слободен печат.
