Додека земјите ширум светот се борат да ги задржат граѓаните во нивните домови и така да го запрат ширењето на коронавирусот, претседателот на Уганда Јовери Мусевени се обидува нешто поинаку.
Имено, тој, во желба да ги охрабри граѓаните на Уганда да останат дома во текот на ограничувањето на движењето, 75- годишниот лидер објави свое видео од тоа како вежба дома, пренесува Си Ен Ен.
Yesterday, I discouraged people who have been jogging in groups, exposing themselves to risk amidst the COVID-19 pandemic. You do not have to go outdoors to exercise. Here is my demonstration of how you can exercise indoors and stay safe. pic.twitter.com/Ulbj6vGOYQ
— Yoweri K Museveni (@KagutaMuseveni) April 9, 2020
Мусевени во средата на својот Твитер профил ги предупреди граѓаните на својата земја да не вежбаат надвор, објавувајќи: „Ако сакате да вежбате, тоа може да го правите во затворен простор“. Тој потоа во четвртокот твитна видео во кое трча низ својата канцеларија и прави склекови во сива тренерка, додека во позадина се слуша глас кој брои до 30.
– Не мора да вежбате на отворено. Еве моја демонстрација како може да вежбате во затворено и да останете безбедни, додаде тој.
Во Уганда со цел сузбивање на коронавирусот, воведен е полициски час и затворени се училиштата, а јавните собири, конференции и молитвите се забранети.
Досега во Уганда се забележани 53 потврдени случаи на коронавирус, според податоците на Џонс Хопкинс Универзитетот и Министерството за здравство на таа земја.
The post Претседателот на Уганда покажа како се прават склекови во домашни услови и порача: Останете дома и вежбајте (ВИДЕО) appeared first on Слободен печат.
