На британскиот остров Вајт е пронајден фосил од непознат вид диносаурус. Претходно, на овој остров во 1865 година беше пронајден нова врста на диносауруси со оклоп, кои припаѓаат на истото семејство, анкилосаурусите.
И покрај неговиот застрашувачки изглед и оклоп со многу шила, овој џиновски рептил јадел само растенија.
Го добила латинското име vectipelta barretti. Откриен е во карпи стари помеѓу 66 и 145 милиони години.
Името го добил во чест на професорот Пол Барет, кој веќе 20 години работи во Природонаучниот музеј во Лондон.
„Поласкан сум и воодушевен што мојата работа е препознаена на овој начин“, рече тој.
Тој на шега додаде дека секоја сличност меѓу него и диносаурусите е „само случајност“.
Иако откриениот диносаурус има одредени сличности со последниот џиновски рептил пронајден на островот, латинското име polacanthus foxii, научниците веруваат дека двата вида не биле тесно поврзани.
Тие додаваат дека коските што го сочинуваат вратот, грбот и карлицата се различни, а новооткриениот диносаурус имал повеќе шила на оклопот.
Новиот вид има повеќе заедничко со анкилосаурусите откриени во Кина, што покажува дека тие слободно се движеле од Азија во Европа во раниот период на кредата.
Стјуарт Понд, истражувач во Природонаучниот музеј, рече дека откритието дава нови сознанија за разновидноста на видовите присутни во Англија во тоа време.
Тој додаде дека поради ова, слични фосилни остатоци, за кои научниците повеќе од еден век мислеле дека припаѓаат на видот polacanthus foxii, ќе бидат повторно анализирани.
Тимот што го направи откритието вели дека локацијата, позната како Формација Весекс, е „многу важна“ за да се разбере како диносаурусите изумреле пред 66 милиони години.
Теориите за ова се различни, а меѓу наведените причини се и удар на астероид и силни вулкански ерупции.
Новите наоди се објавени во Journal of Systematic Palentology.
