Вакцина против коронавирусот, на која работат израелски научници, ќе биде подготвена за тестирање за неколку недели, но нема да биде достапна за употреба неколку месеци поради долготрајната и понекогаш бирократска постапка за тестирање и одобрување.
Тоа го соопшти член на научниот тим, пренесува порталот „Тајмс оф Израел“.
Како што наведува израелскиот медиум, државниот институт веќе четири години работи на вакцина која би можела да се користи за различни врски на вируси, и може да се прилагоди и за вирусот Ковид-19.
Членот на лекарскиот тим Хан Кац рече за порталот дека таа нова орална вакцина против коронавирусот, која би можеле да ја примаат и возрасни и деца, ќе може да ги ублажи симптомите на вирусот и да ги претвори во „многу блага настинка“, а многумина не би го имале ни тоа.
Вакцината ќе содржи посебно произведени протеини, наведува израелскиот медиум.
The post Наскоро започнува тестирањето на израелска вакцина која може да се користи против коронавирусот appeared first on Слободен печат.
