Вториот по големина град во Австралија, Мелбурн, од денеска е под целосен карантин, што ќе трае шест недели, бидејќи властите се борат со вториот бран на коронавирусот.
За време на карантинот, повеќето продавници и компании ќе бидат затворени, што предизвика загриженост кај жителите од можен недостиг на храна.
Од утрово, улиците во градот со пет милиони жители, главниот град на сојузната држава Викторија, кој пријави 471 случаи на коронавирус и осум смртни случаи во последните 24 часа, се празни.
Австралија сега има вкупно околу 20.000 случаи на Ковид-19 и 255 смртни случаи, што, сепак, е се уште помалку од многу други развиени земји.
Пандемијата во Викторија се заканува дека ќе се прошири во други држави. Нов Јужен Велс вчера соопшти за 12 нови случаи на коронавирус, со што вкупниот број на заразени е на 483.
The post Мелбурн се бори со вториот бран на коронавирусот: Австралискиот град шест недели ќе биде под целосен карантин (ФОТО+ВИДЕО) appeared first on Слободен печат.
Мелбурн се бори со вториот бран на коронавирусот: Австралискиот град шест недели ќе биде под целосен карантин (ФОТО+ВИДЕО) was first posted on август 6, 2020 at 10:06 am.
