Полицијата го пронајде и го спроведе во затворот во Шутка, Агим Исмаиловиќ, еден од обвинетите за случајот „Монструм“, на кого обвинителството му определи триесетдневен притвор.
Иако денеска не се одржи рочиште, обвинителката Фатиме Фетаи побара притвор за него и за Фејзи Азири бидејќи постапката е при крај. Но пред да одлучи кривичниот совет Исмаиловиќ ја напуштил судската зграда.
Според пишувањата на македонските медиуми, тој буквално излажал дека ќе оди во тоалет, по што избегал од објектот! Потоа, камерите на ТВ21 се упатиле кон неговиот дом, каде и го пронашле. Истовремено пристигнала и полицијата, по што го привела Исмаиловиќ.
Во притвор оди ќе оди и Фејзи Азири.
Во случајот „Монструм”, за петкратното убиство на 12 април 2012 година, кога беа убиени момчињата Кире Тричковски, Филип Славковски, Цветанчо Ацковски, Александар Наќевски и рибарот Борче Стефановски, се обвинети Алил Демири, Африм и Агим Исмаиловиќ, Фејзи и Хаки Азири и Сами Љута.
Судењето за овој предмет го води судијата Огнен Ставрев, додека застапници на обвинението се обвинителите Фатиме Фетаи и Гаврил Бубевски.
