Драма се случувала на летот од Брисел до Скопје кога патник се соблекол гол до појас, викал „УЧК“ и агресивно ги вознемирувал патниците на денешниот лет на „Визер“ објави порталот СДК.мк.
Полицијата го привела веднаш по слетувањето на скопскиот аеродром околу пладне.
Патниците, како што пишува порталот, сведочат дека мажот со крупна конституција кој изгледал дека најверојатно е пијан, почнал многу гласно да вика околу половина час пред да почне постапката за слетување.
И покрај опомените од кабинскиот персонал, мажот продолжил да вика.
Во моментот кога стјуардесата го најавила слетувањето и побарала патниците да останат врзани на своите места, тој станал и почнал да оди низ авионот при што се соблекол гол до појас.
