Легендарниот светски шампион во шах Анатолиј Евгениевич Карпов е на респиратор, јавуваат светските медиуми. Оваа вест ја потврдила сопругата на славниот шахист.
На 29 октомври Карпов падна и беше хоспитализиран во Истражувачкиот институт Склифосовски. Шаховскиот велемајстор и еден од најдобрите во историјата на шахот оттогаш е во вештачка кома, а боледуваше и од пневмонија.
Руските медиуми на 31 октомври објавија дека Анатолиј Карпов е на интензивна нега и дека лекарите се борат за неговиот живот, откако доби сериозни повреди на главата и бутната коска.
Има една верзија за настанот која вели дека станува збор за напад. Други неофицијални извори велат дека тој сам паднал, а констатирано е дека имал големи количини алкохол во крвта во моментот кога Брзата помош го однела во болница.
