Полицијата и демонстрантите повторно, втора вечер по ред се судрија во Минеаполис за време на протест заради смртта на Афроамериканецот Џорџ Флојд, кој почина во понеделникот за време на полициското аспење.
Полицајците, од кои некои биле на покривите, користеле солзавец, пластични куршуми и гранати за да ги стават под контрола демонстрантите, додека учесниците на протестот по полицајците фрлале камења, флаши и други објекти.
Minneapolis is on Fire…
Stay safe, everybody #GeorgeFloyd pic.twitter.com/7plsoPV1Pb
— Tony Clements (@TonyClementsTC) May 28, 2020
Демонстрациите започнале неколку часа откако градоначалникот Џејкоб Фреј го повикал обвинителството да поднесе кривична пријава против полицаецот, кој се гледа на видеото како држи колено на вратот на сега починатиот Флојд во лисици, кој се пожалил дека не може да дише.
Стотици демонстранти, од кои голем дел биле маскирани, ги исполниле улиците околу полициската станица во средата вечерта, недалеку од местото каде што бил уапсен Флојд, извикувајќи, „Нема правда, нема мир“ и „Не можам да дишам“.
Телевизиската снимка, направена од хеликоптер, покажува дека десетици луѓе ја ограбиле продавницата „Таргет“ и излегувале од неа со облека и колички полни со производи.
Пожар избувнал во неколку компании, меѓу кои и продавница за делови за автомобили.
Медиумите објавија дека мал протест, кој минал мирно, се одржувал и во предградијата, пред куќата на еден од полицајците кои учествувал во апсењето на Флојд.
Претседателот на САД, Доналд Трамп, на Твитер објави дека го повикал Федералното биро за истраги (ФБИ) да ја забрза истрагата, додавајќи дека ја цени работата на локалните полициски сили.
На собирот на граѓаните му претходело соопштението дека четворица полицајци вклучени во апсењето на Џорџ Флојд, кој починал во полицискиот притвор, биле отпуштени од работа.
Сестрата ја бара правдата
На информацијата дека четворицата полицајци биле отпуштени од работа, реагирала сестрата на починатиот Флојд, која смета дека тоа не е доволно, пренесува Ројтерс.
– Тие се убијци, го убија мојот брат и на нив мора да се изврши додатен притисок. Отпуштање од полиција не е доволно, изјавила Бриџит Флојд во емисијата Добро утро Америка на АБЦ.
Yo they burning down the fucking McDonald’s in Minneapolis pic.twitter.com/eU8UDO9wGU
— Ryuko (@RyukoProp) May 28, 2020
The post Хаос во Минеаполис: Пожари и грабежи за време на протестот за смртта на Афроамериканецот Флојд (ФОТО+ВИДЕО) appeared first on Слободен печат.
Хаос во Минеаполис: Пожари и грабежи за време на протестот за смртта на Афроамериканецот Флојд (ФОТО+ВИДЕО) was first posted on мај 28, 2020 at 10:11 am.
