Антирасистичките протести во САД поради убиството на афроамериканецот Џорџ Флојд продолжуваат. Насилствата и судирите со полицијата се намалени, но демонстрантите изминативе денови се фокусирани кон уништување на споменици на личности од американската историја кои имале робовладетелска и колонијална улога. Синоќа во неколку градови во САД биле уништени статуите на италијанскиот истражувач Кристифор Колумбо, како и на претседателот на колонијална Америка во периодот на граѓанската војна во САД, Џеферсон Дејвис.
Морепловецот кој според историјата го открил американскиот континент во последно време често се посочува како фигура на геноцидот врз американските Индијанци. Тој е оспоруван исто како робовладетелите или генералите на конфедерациските сили за време на американската Граѓанска војна.
Изминатите денови во неколку градови во САД биле целосно одстранети спомениците на војниците на конфедерацијата и нивниот главен командант од тоа време, генералот Ли.
Претседателката на Претставничкиот дом Ненси Пелоси повика на отстранување на 11 статуи од американскиот Капитол што ги претставуваат лидерите на Конфедерацијата и војниците на сецесионистичкиот југ.
Движењето кое се нафрли на симболите на американското робовладетелско и расистичко минато ги погодува и другите земји со империјалистичко минато, како Британија и Белгија, каде во последните денови се нападнати статуи на колонијални личности.
И покрај падот на рејтингот предизвикан првин од коронавирусот, а потоа и од антирасистичките протести, американскиот претседател Доналд Трамп, најави дека нема да дозволи преименување на воените бази, кои носат имиња на генерали на Конфедерацијата. Се работи за десетина воени бази на американската армија кои носат имиња на генерали на робовладетелската конфедерација од граѓанската војна во САД. Десет бази на копнените сили, сите лоцирани во јужниот дел на САД, именувани се по поранешни генерали на силите на Конфедерацијата. Апелите за менување на имињата на базите уследија по бранот протести во САД против расизмот и полициското насилство.
Според анкета на Галуп, намален е процентот на оние кои ја одобруваат работата на американскиот претседател Доналд Трамп од 49 отсто на 39 отсто, а растечка е бројката на оние кои не го одобруваат од 48 отсто на 57 отсто.
Овие проценти го отсликуваат најнискиот рејтинг на Трамп во последните 10 месеци, а е прва спроведена анкетта на Галуп откако избија антирасистичките протести по убиството на афроамериканецот Џорџ Флојд.
The post Андоновиќ: Антирасистите во обид да ја избришат робовладетелската историја (ВИДЕО) appeared first on Слободен печат.
Андоновиќ: Антирасистите во обид да ја избришат робовладетелската историја (ВИДЕО) was first posted on јуни 11, 2020 at 9:45 am.
