Американците беа разочарани од долгите редици за храна. Очигледно, слични хуманитарни акции ќе продолжат со месеци.
Минатиот викенд, Тексашката банка за храна дистрибуираше повеќе од 270.000 килограми храна, вклучувајќи 7.280 мисирки за претстојниот празник на Денот на благодарноста, во Далас. Илјадници граѓани пристигнаа со своите автомобили за да добијат бесплатни пакети со храна, бидејќи ги загубија своите работни места и приходите поради коронавирусната пандемија.
Се проценува дека околу 8.500 семејства добиле помош во форма на месо, овошје, зеленчук и друга храна доволна за околу 20 оброци.
Ана Куријан од Банката за храна во Тексас рече дека побарувачката се зголемила со пандемијата и дека овие активности започнале во март. Како што вели, забележани се голем број нови луѓе на кои им е потребна помош.
„40 проценти од нив дојдоа за прв пат“, рече таа, додавајќи дека тоа е особено тешко за оние со деца.
Една од нив беше Саманта Вудс.
„Им благодарам на сите организатори. Фала му на Бога што успеав да го добијам мојот ред“, рече таа.
Многу жители на Тексас останаа без работа, а повеќето не можат да си ги плаќаат сметките за лекар, бидејќи го немаат потребното здравствено осигурување.
„Ова се случува од март и не гледам дека наскоро ќе заврши кога нема вакцина или луѓето се враќаат на работа“, рече Џули Бутнер од организацијата Тарант ерија.
Особено е тешко за оние кои сакаат да го прослават Денот на благодарноста, но немаат финансиски средства за тоа.
Помошта од добротворни организации и компании е единствениот начин да се добие храна на нивната трпеза.
