НЕВООБИЧАЕНО СТУДЕН БРАН ЌЕ ЈА ПОГОДИ ЕВРОПА, РЕГИОНОТ И МАКЕДОНИЈА – ЌЕ ИМА И СНЕГ!
– Веќе во Алпскиот регион врне и првиот посериозен снег за оваа сезона. Додека пак Евроспкиот континент во текот на следните денови ќе се соочи со невообичаено ниски температури на воздухот, и тоа под влијание на МНОГУ СТУДЕН воздушен бран од север и од североисток, вели нашиот метео прогнозер Попоски.
Земјите од северниот и од североисточниот дел на Европа ќе бидат најмногу погодени од овој студен бран, а не се исклучува можноста во делови од овие предели да падне и првиот снег. Голема е веројатноста снег повторно да врне во северните предели од Европскиот Континент.
-Овој студен бран ќе ја зафати и нашата држава, и тоа најмногу ќе се почуствува во средината од новата недела која што ни претстои, а ќе биде проследен и со северен и северозападен ветер. Температурите и кај нас ќе бидат значително под просекот, додека наутро понекаде ќе се спуштат дури до околу 0 степени. Доста ниски ќе бидат и максималните дневни температури кој околу средината на неделата ќе се искачуваат во интервалот само од 16 до 24 степени, веки Попоски.
Според последните направени анализи, за време на овој студен бран услови за провејување на снег ќе има и кај нас, но и во регионот и тоа на највисоките планински места. Сепак по овoј невообичаено студен бран, би требало да имаме ново НАГЛО ЗАТОПЛУВАЊЕ на времето, што воопшто не одговара, особено не поради тоа што ќе се одрази НЕГАТИВНО особено врз метеопатите.
