– Како што веќе најавивме, утре ќе има краткотрајно стабилизирање на времето, додека од недела попладне и навечер и тоа под влијание на нов влажен бран, на повеќе места ќе има нови врнежи од дожд и снег на повисоките планини. Температурите ќе се искачуваат во интервалот од 7 до 14 степени, вели нашиот метео прогнозер Славчо Попоски.
Во Скопје и околината за време на овој викенд времето ќе биде променливо облачно, додека утре доцна попладне и навечер ќе има услови за повремени локални врнежи од дожд. Температурите на воздухот ќе се искачуваат во интервалот помеѓу 9 и 11 степени.
– Ново заладување на времето се очекува во првите денови од следната недела, кога услови за врнежи од снег ќе има и на некои од пониските места. Состојбата околу оваа ситуација ќе се следи и понатаму навремено ќе информираме за секоја ново – настаната временска состојба, поентира Попоски.
