Откако дозна дека е бремена, Милица Тодоровиќ се повлече од јавноста, а извор близок до неа откри, како што објавија медиумите, дека пејачката ќе добие син.
Според тврдењата на Информер, Милица очекува бебе со мажот со кого претходно била во врска, а на кого му се вратила по пропаѓањето на љубовната врска со притворениот хрватски бизнисмен Марио Беришиќ.
– Милица е среќна како никогаш претходно. Со години посакуваше да стане мајка и конечно нејзината желба ќе се оствари. Ужива во бременоста и се обидува целосно да се исклучи од естрадните случувања. Поголемиот дел од времето го поминува во Белград, а нејзиниот партнер се обидува да ѝ угоди во сè. Се однесува кон неа како кон вистинска кралица, а мајката Јасмина, која е пресреќна што ќе стане баба, често ја посетува и ја разгалува својата ќерка. Таа ѝ помага, ѝ дава совети и подготвува сè што сака Милица. Милица е најсреќна што има такво семејство и што сите се обидуваат да ѝ ги олеснат и да ѝ ги разубават деновите од бременоста – рече соговорникот за Информер.
Иако првично ѝ беше кажано дека носи девојче, пејачката сепак ќе роди син.
– Во моментот кога лекарите ѝ кажаа дека очекува девојче, таа беше надвор од себе од среќа! Целото семејство со нетрпение го очекуваше раѓањето на девојчето, но на последниот ултразвук се случи пресвртница. Лекарите сфатија дека Милица сепак очекува син! На претходните прегледи, бебето беше свртено така што не можеше јасно да се види неговиот пол. Лекарите претпоставија дека е девојче, па малечкото ги изненади – рече соговорникот.
– На почетокот, Милица беше разочарана, бидејќи копнееше по ќерка, но нејзиниот партнер ѝ рече дека сигурно нема да запрат на едно дете и дека следното ќе биде девојче. Дознаа дека сè е во ред со бебето, и тоа е сигурно најважното нешто за нив. Тие се пресреќни што стануваат родители, а нејзиниот партнер е горд што има наследник. Нивните семејства им помагаат колку што е можно повеќе, а сестрите и мајката на Милица веќе купуваат облека во сини нијанси и со нетрпение чекаат да го видат малиот принц.
