Британскиот крал Чарлс Трети призна дека за време на лекувањето од рак ја изгубил способноста да вкуси одредена храна, пишува Дејли меил.
Написот објавен во дејли меил забележува дека на 13 мај монархот го посетил Музејот за воена авијација во Хемпшир каде се сретна со ветеранот на британските вооружени сили Арон Меплбек, кој беше подложен на хемотерапија во 2023 година, како дел од неговиот третман за рак. Меплбек му рекол на Чарлс Трети дека поради терапијата го изгубил чувството за вкус. На тоа, кралот одговорил дека се нашол во слична ситуација.
Потсетуваме, на 5 февруари Бакингемската палата објави дека на британскиот крал му е дијагностициран рак. Чарлс III веднаш започнал со лекување, при што лекарите му препорачале да одбие да учествува на јавни настани.
Кралот се врати на јавните должности дури на крајот на април. Потоа тој, заедно со неговата сопруга кралицата Камила, го посетија Центарот за рак Мекмилан во болницата на Универзитетскиот колеџ, каде се сретнаа со пациенти и членови на нивните семејства. Сепак, како што објави Скај њуз, повикувајќи се на извори, лекувањето на Чарлс Трети за рак се уште не е завршено.
