Родителите на српската пејачка Јелена Карлеуша (45) се разделиле додека таа била сè уште девојче, а неодамна таа откри шокантни детали за нивниот брак.
Нејзините родители се венчале во 1977 година, но бракот не им траел долго.
„Се сеќавам дека татко ми беше голем женкар. Се разведоа кога го фатив како изневерува и ѝ кажав на мајка ми. Имав шест години, го фатив на Ада. Се плеткаше со таа девојка, а мене тоа не ми се допадна“, раскажала пејачката.
Инаку, во интервју за „Информер“, Карлеуша откри уште многу детали од приватниот живот, меѓу кои и фактот дека сè уште е во брак со Душко Тошиќ, но дека тоа е „брак колку да се каже“.
„Ние сме во брак, мислам дека Душко не ме сака, но јас го сакам него“, одговорила таа, на што водителот ја прашал: „Како мислиш дека Душко не те сака?“.
„Па, сигурна сум. Знам. Ние сме во брак, но тоа е само про форма брак. Ја прифаќам целата своја одговорност, дека јас сум виновна за сѐ. Тргнавме по својот пат, иако живееме во иста куќа. Ние сме под ист покрив Најмногу поради децата. Атина и Ника заслужуваат да бидат покрај мама и тато. Душко е татко на моите деца и јас би го дала животот за него“, изјавила српската пејачка.
Таа не сакаше да го спомне Огњен Врањеш по име, но од нејзиниот брутално искрен одговор сосема е јасно на кого мисли.
„Да ја отстраниме таа стигма еднаш засекогаш. Никогаш нема да го кажам неговото име бидејќи не го заслужува тоа. Сето тоа беше моја ‘онлајн грешка’ и скапо ја платив. Никогаш не го криев, ниту од Душко. Ме чинеше многу за нешто што не беше ни авантура.
Тоа беше намерен обид да му се одмаздам на Душко, кој излезе од контрола… Го фатив црниот ѓавол, кој користеше Фејстајм, го сликаше екранот и го испрати до сите медиуми. Само најлошите бедници прават такво нешто. Искористуваш нечија доверба и му се закануваш и уценуваш, а уцената беше да се разведам од Душко. Не сакав затоа што ми беше потсмев и глупост. Само ѓубриња и кучки го прават тоа што го направи. Во одреден момент ќе се врати кармата…“, изјави Карлеуша.
„Поминав низ најлошиот кошмар за која било жена. Без разлика што сум сама на тие фотографии, Душко не можеше да ги преболи. Да беше некој друг на мое место, немаше да достигне такви размери, но јас сум Јелена Карлеуша. Мислев дека не е сериозен, но кога се случи сето тоа, сфатив дека тој е одмаздник и човек кој е подготвен на сѐ. Но, тој не е ни важен сега. Важно е каква глупост направив.
Жал ми е што го ставив целото семејство во таа ситуација. Се срамев да зборувам за тоа. Душко го прифати сето тоа, но не можеше да ми прости за тоа што беше во медиумите. Во меѓувреме поминаа пет години, нишките меѓу нас се прекинаа, нашите ќерки пораснаа. Патем, на Душко му простив сѐ што направи, но тој не е тип што простува“, додаде пејачката.
Нејзините ќерки, смета таа, знаат за сѐ што е објавено во медиумите, но никогаш не ѝ кажале ниту збор за тоа.
„Веројатно Атина и Ника тајно видоа многу, но никогаш не ми проговорија ниту збор. Мама ги научи да бидат мудри. Секогаш им велев дека важно е што чувствуваат, а не што велат другите“, истакна таа.
