Утрово Попова Шапка „ се разбуди“ со највисока снежна покривка, поточно со 75 сантиметри снег.
Од Ски Центарот Попова Шапка најавуваат дека утре ( 15.12.2021 година) започнува новата скијачка сезона на Попова Шапка и потсетуваат дека „не ви е потребен ПЦР или Антиген тест, но сепак мора да се придржувате на здравствените протоколи и на мерките на заштита од Ковид 19, со кои ќе се заштитите себеси, но и сите останати во Ски – центарот“.
На денот на отворањето, среда и во четврток, користењето на ски – лифтовите и жичниците е БЕСПЛАТНО.
Од Ски Центарот Попова Шапка известуваат дека на денот на отворањето, во функција ќе бидат ставени:
– Шестоседата жичница.
– Ски – лифтот „Ајдучка рамнина 1“ – ГЕ.
– Ски – лифтот „Бабин Извор“ – Аеродром.
– Ски – лифтот „Поток 1“ – Тететкс.
– Ски – лифтот „Поток 2“ – Тететкс.
– Двоседа жичница „Св. Илија“.
– Двоседа жичница „Син врв“ – Церипашина.
А, во текот на сезоната ќе биде ставен во функција и ски – лифтот „Ајдучка рамнина 2“ – ГЕ.
Од петок (17.12.2021) ски – билетите може да ги купите на 3- те билетарници на Големиот паркинг, спроти хотел „Попова Шапка“ и на 2-те билетарници на „Поток 1“ и „Поток 2“.
Од оваа ски-сезона, покрај Големиот паркинг, спроти полициската станица (P1), во целосна употреба се пуштени и два нови постоечки паркинзи – под хотел „Славија“ (P2) и паркингот спроти хотел „Скардус“ (P3).
Со убав снег може да се пофали и Маврово. Околу 50-на сантимери наврнат снег веќе гарантираат забавно скијање на падините на Бистра.
Ски лифтовите Жолт, Детска радост, Галички 1, Галички 2, Бачило 1, Бачило 2 официјално се отворени од минатата сабота.
View this post on Instagram
Во продолжение погледнете ја снежната денешна атмосфера и во другите градови низ Македонија.
фОТО КРЕДИТ – СЛАВЧО ПОПОСКИ, МЕТЕО ПРОГНОЗЕР
