Израел веќе започна со воведување на трета доза на вакцина, а наскоро американската администрација, исто така, ќе ја објави својата намера да се вакцинираат лицата над шеснаесет години со трета доза.
По Изрел, и Франција и Германија веќе одлучија да се движат во оваа насока. Третата доза од вакцините ќе се случи во овие земји осум месеци по првата целосна вакцинација. Целта е да се осигура одбрана против можните нови варијанти кои наесен би можеле да станат посилни од варијантата Делта.
Американската администрација за храна и лекови уште минатата недела објави зелено светло за третата доза на вакцина, која засега е резервирана само за луѓе кои имаат слаб имунолошки систем, за да ги заштитат од варијантата Делта.
Одлуката се однесува на оние кои биле подложени на трансплантација или пациенти со рак, но Ентони Фаучи, директор на Американскиот институт за инфективни болести, веќе објасни дека верува дека во наредните месеци ќе има потреба од трета доза вакцини за секого, а не само за „кревките“.
Во меѓувреме, Pfizer и BioNTech објавија дека ги доставиле до американската Администрација за храна и лекови (ФДА) податоците од истражувањето за да ја поддржат евалуацијата на третата доза вакцина против „Ковид“ за идно овластување на овој „засилувач“ кај луѓе на возраст над 16 години. Истражувањето вклучило учесници кои добиле 30 микрограми засилувачка доза (трета доза) на нивната вакцина (BNT162b2), 8-9 месеци по примањето на втората доза.
