Американскиот актер Ленс Редик, кој играше во серијата филмови „Џон Вик“, почина во својот дом во Лос Анџелес. Ова го објави TMZ, повикувајќи се на извори од органите на редот.
Телото на актерот било откриено на 17 март околу 9 часот и 30 минути. Според изданието, смртта „била природна“. Официјалната причина за смртта не е позната.
Подоцна оваа информација беше потврдена од претставници на актерот за Variety. Смртта на Редик беше коментирана во заедничката изјава на режисерот на Џон Вик, Чад Стахелски и ѕвездата Кијану Ривс.
„Длабоко сме тажни и шокирани од смртта на нашиот сакан пријател и колега Ленс Редик. Беше голем професионалец и задоволство беше да се работи со него. Изразуваме љубов и се молиме со неговата сопруга Стефани, неговите деца, семејството и пријателите. Филмот го посветуваме на неговиот благословен спомен. Многу ќе ни недостига“, велат Ривс и Стахелски.
Ленс Редик е роден на 31 декември 1962 година. Актерот е познат по улогите во сериите The Wire и Fringe, како и во филмовите од серијата Џон Вик. На 13 март се одржа светската премиера на Џон Вик 4, каде Редик повторно го игра консиержот Харон.
Покрај тоа, актерот играше ликови за Quantum Break, Forbidden West и Horizon Zero Dawn.
Познатиот дизајнер на игри Хидео Коџима објави проштална објава со фотографија од Редик на својот Инстаграм.
Креаторот на The Wire, Дејвид Сајмон, во својата изјава рече дека Редик бил „совршен професионалец, посветен соработник, прекрасна душа и пријател“
Ко-ѕвездата на Џон Вик, Иан Мекшејн, изјави за Variety „Тотален шок и неверување. Ленс беше прекрасно човечко суштество и прекрасен колега. Моето најдлабоко сочувство, мир и љубов до неговата сопруга Стефани и целото негово семејство“.
Актерот од „The Wire“ Вендел Пирс напиша во чест на својот пријател: „Човек со голема сила и благодат. Талентиран музичар исто толку и актер. Олицетворение на класата. Ненадејна неочекувана остра болна тага за нашето уметничко семејство. Незамисливо страдање за неговото лично семејство и најблиските. Боже, мој пријателе. Ти остави белег овде. ПОЧИВАЈ ВО МИР.”
A man of great strength and grace. As talented a musician as he was an actor. The epitome of class. An sudden unexpected sharp painful grief for our artistic family. An unimaginable suffering for his personal family and loved ones. Godspeed my friend. You made your mark here. RIP pic.twitter.com/Xy0pl5c4NR
— Wendell Pierce (@WendellPierce) March 17, 2023
Ајсија Витлок Џуниор ја изрази својата тага и напиша: „Шокиран и тажен од веста дека Ленс Редик почина. Навистина срцепарателно. Почивај во мит. Мој пријателе. Ќе ни недостигаш.”
Shocked and saddened by the news that Lance Reddick has passed away. Truly heartbreaking.
R.I.P. My friend. You will be missed.
God speed.😥— Isiah Whitlock Jr. (@IsiahWhitlockJr) March 17, 2023
Режисерот Џејмс Ган му оддаде почит на Редик, истакнувајќи дека актерот е „неверојатно убаво момче и неверојатно талентиран актер“ и упатува сочувство до „целото негово семејство, пријатели и соработници“.
Lance Reddick was an incredibly nice guy, and an incredibly talented actor. This is heartbreaking. My love goes out to all his family, friends, and collaborators.
— James Gunn (@JamesGunn) March 17, 2023
Авторот Стивен Кинг рече дека е во средината на повторното гледање на „Wire“. „Прекрасен актер; прекрасен човек“, напиша тој.
Halfway through re-watching THE WIRE comes the news that Lance Reddick has died at the horribly unfair age of 60. Wonderful actor; wonderful man. This is sad news.
— Stephen King (@StephenKing) March 17, 2023
Патон Освалт му оддаде почит на актерот, твитувајќи „Неприфатливо. Смрт, ја сакам твојата значка на моето биро утре во 9 часот“.
Unacceptable. Death, I want your badge and scythe on my desk at 9am tomorrow. https://t.co/nTG3G1fxlZ
— Patton Oswalt (@pattonoswalt) March 17, 2023
Бен Стилер размислува за времето на Редик со покојната мајка на Стилер, Ен Меара, во драмата „Afterplay“, пишувајќи „Ленс Редик беше прекрасен и привлечен актер“, додавајќи „Тој беше извонреден во тоа и во се што правеше“.
Lance Reddick was an beautiful and compelling actor. And a beautiful person. He worked with my mom Anne Meara in her play “Afterplay”, playing Raziel, the waiter slash angel of death. He was exquisite in that and all he did.
Nothing is lost. 💙
— Ben Stiller (@BenStiller) March 17, 2023
Последниот проект на Редик „Џон Вик: Поглавје 4“ треба да излезе на 24 март. Пред премиерата на филмот, актерската екипа го промовираше четвртиот дел. Редик неодамна беше интервјуиран од Рокси Стриар, а ТВ-лицето напиша: „Ленс Редик беше смешен, внимателен и многу страствен. Го сакав уште кога бев дете и среќна сум што поминав еден час со него“.
I was going to post this next week with #JohnWick4 coming out.
Lance Reddick was funny, thoughtful, & wildly passionate. I’ve loved him since I was a kid & am lucky I spent an hr with him.
He loved #JohnWick & movies as much as the rest of us. One of us 🥺
RIP to a legend. pic.twitter.com/MQRarre2IO
— Roxy Striar (@roxystriar) March 17, 2023
Инаку, Редик диплоирал на музичка академија, а потоа се определил за глума. Како одличен музичар во текот на животот бил и вонреден предавач на факултет по теорија на музика.
Првата сопруга на Редик е Сузан Ивон Луис, акушерка по професија. Се венчале во 1986 година. Во првиот брак се родиле ќерката Никол и синот Кристофер. Втората сопруга е Стефани Деј со која остана до крајот на животот, а се венчале во 2011 година.
