Познатиот пејач Џими Бафет почина на 76-годишна возраст, пренесува The Sun.
Веста за смртта на музичката икона ја објави неговото семејство на социјалните мрежи преку емотивна објава.
„Џими почина мирно во ноќта на 1 септември, опкружен со семејството, пријателите, музиката и кучињата. Животот го живееше како песна до последниот здив и ќе им недостига на многумина“, напиша семејството.
Зад себе ја остави сопругата Џејн, со која беше во брак повеќе од 40 години, и три деца Савана, Сара и Камерон.
Исто така, споменатиот медиум пренесува дека им оставил богатство кое се проценува на околу една милијарда долари.
