Десет месеци по смртта на рок-легендата Бора Ѓорѓевиќ, познат како фронтмен на „Рибља чорба“, неговата сопруга Дубравка Милаковиќ и натаму живее повлечено во Љубљана, далеку од очите на јавноста.
Музичарот почина на 4 септември 2024 година, а според неговата желба беше погребан во родниот Чачак. Последните години од животот ги помина во словенечката престолнина, каде живееше со сопругата.
Според сведоштва на соседи, Дубравка ретко се појавува и води тивок, повлечен живот.
„Уште ни е тешко што Бора не успеа да се избори. Беше добар сосед и луѓето го почитуваа. По неговата смрт, со денови оставаа цвеќе и свеќи пред зградата. Дубравка и понатаму живее тука, но ретко ја гледаме. Не беше многу дружелубива ни порано, а сега уште помалку. Се гледа дека сè тоа многу ја погоди“, раскажува еден од соседите.
Тој додава дека по смртта на музичарот, таа со денови не излегувала од станот, а најголема поддршка ѝ била сестра ѝ. Според неговите зборови, често патува во Србија, каде што е погребан Ѓорѓевиќ.
Дел од локалното население тврди дека ја забележале во секојдневни ситуации, најчесто во центарот на градот, каде што, наводно, работи во продавница.
Во една од омилените кафани на Бора, каде редовно престојувал, и денес се зборува за него со почит.
„Се надевавме дека ќе успее да ја победи болеста. Многу луѓе од тука отидоа и на погребот во Србија. Слушнав дека неговата сопруга ја виделе на пазар, во црнина. Тука не доаѓа, но сите го паметиме Бора како легенда“, вели вработена во локал.
Ѓорѓевиќ и Дубравка се венчаа во 2016 година на Санторини, а таа беше помлада од него 28 години. Иако беа заедно со години, нивниот приватен живот остана далеку од медиумите, бидејќи свесно избегнуваа јавна експонираност.
