Британската министерка за внатрешни работи Прити Пател нареди екстрадиција на Џулијан Асанж во САД.
Конечното зелено светло од шефицата на Министерството за внатрешни работи, доаѓа по завршувањето на судската постапка во Обединетото Кралство за контроверзната афера на австралискиот активист, основач на Викиликс, кој би можел да биде осуден на многу тешка затворска казна во САД поради тоа што придонел за ширење доверливи документи преку онлајн платформа, кои содржат и информации за работата на американските сили во Ирак и Авганистан.
Асанж има 14 дена рок за да поднесе жалба.
„Мрачен ден за слободата на печатот“, така Викиликс ја коментира конечната одлука на Велика Британија.
BREAKING: UK Home Secretary approves extradition of WikiLeaks publisher Julian Assange to the US where he would face a 175 year sentence – A dark day for Press freedom and for British democracy
The decision will be appealedhttps://t.co/m1bX8STSr8 pic.twitter.com/5nWlxnWqO7— WikiLeaks (@wikileaks) June 17, 2022
