Балканската суперѕвезда Здравко Чолиќ завчера вечер настапи во Црна Гора и со медиумите зборуваше за својата кариера и за идните планови.
Како и секогаш, Чолиќ ги засени сите со својот елегантен стајлинг, а како што самиот признава трошел многу повеќе пари на гардероба.
– Не се стилизирав посебно. Ова е евтин костум „Бос“, обичен костум. Тие времиња поминаа, кога јас одев во Англија и таму пазарев. Важно беше да имам сошиено одело на сцената и тоа да биде сценско, сјајно. Сè се менува како што човекот старее, животот се менува, но се надевам позитивно. Во однос на некоја зрелост, дружење, но и во однос на кариерата – искрено изјави пејачот и откри за што жали.
– Жал ми е што ретко издавам ЦД-а. Не знам дали тоа е поради соработниците, продуцентите… Иако и јас самиот пишувам песни последниве години. Порано правевме рекорди за три месеци, а сега се е побавно. Жал ми е поради тоа. Би сакал да излезат уште нови песни. Има песни кои помладата публика повторно ги открива. Во 90 проценти од случаите песните звучат подобро во живо отколку на снимка.
Дино Мерлин рече дека Чола е негов идол, а сега тој откри дали може да дојде до дует.
– Правењето дует е толку неважна работа, тоа се случува секогаш спонтано. Дино и јас изведовме дует кој е над секој дует, а тоа беше изведување на песната „Као моја мати“ на концертот што има повеќе прегледи отколку вистински дуети – искрен беше тој.
