Кога имате домашно милениче, покрај целото внимание прошетки и хигиена многу е важна и грижата околу неговата исхрана. Дел од намирниците кои секојдневно ги конзумираме може сериозно да го загрозат животот на едно куче или мачка.
Нема да биде проблем ако јаде парче месо, но проблеми се јавуваат кога тој јаде одреден вид овошје или зеленчук.
Овие видови можат да бидат токсични за домашните миленици:
Грозје
Ова овошје може да предизвика откажување на бубрезите во рок од само 24 часа откако ќе се јаде. Симптомите вклучуваат повраќање, губење на апетит, дијареја, болки во стомакот, намалено мокрење и потешкотии при движење.
Домат
Доматите содржат штетен алкалоид наречен атропин, кој може да предизвика сериозни проблеми при јадење. Зелените или незрели домати имаат помалку токсини, но сепак можат да го иритираат стомакот. Симптомите вклучуваат тремор, напади и аритмија.
Лук и кромид
Постојат спорови околу лукот. Кога се користи во екстремно мали количини, лукот може да биде добар за вашето куче бидејќи се смета за природен антибиотик.
Од друга страна, ако кучето внесе лук или кромид во поголеми количини, тоа може да предизвика анемија и вознемиреност во стомакот поради уништување на црвените крвни зрнца. Симптомите вклучуваат забрзано чукање на срцето, слабост, летаргија, повраќање, дијареја, крв во урината, бледи и тенки непца.
Овошни семиња
Ова ги вклучува сите семиња, од цреши, сливи, кајсии, до нектарини. Покрај очигледна опасност од задушување, семето може да предизвика дигестивна опструкција, а содржи и цијанид. Срцев удар е можен во рок од два дена ако не се реши проблемот. Симптомите на труење со цијанид вклучуваат проширени зеници, хипервентилација, шок, повраќање, срцева аритмија и иритација на кожата.
Цитрус
Сите агруми содржат одредена количина лимонска киселина (некои повеќе, некои помалку) што може да предизвика иритација кај кучињата доколку се јаде во поголеми количини. Малите дози не треба да бидат проблем, освен мала непријатност во стомакот, но во секој случај треба да избегнувате да им ги давате на вашите миленици.
Ако се сомневате дека вашето куче или маче каснало некое од овие – за него опасни јадење, веднаш јавете се на вашиот ветеринар.
