Скандалот што изби откако на Папата Франциск му се „допаднале“ фотографии на Инстаграм профилот на 27-годишната манекенка Наталија Гарибото ја вознемири јавноста. Секој корисник на социјална мрежа може случајно да „лајкне“ нечија фотографија, но никој не очекуваше дека поглаварот на Католичката црква ќе го стори истото.
Наталија Гарибото е модел на социјалната мрежа Инстаграм. Таа има над 2 милиони следбеници и своја официјална веб-страница, каде што изјавува дека можете да најдете необјавена содржина, пристап до нејзини видеа и многу повеќе!
„Barstool Sports“ сподели видео на социјалната мрежа Твитер на кое се гледа провокативна фотографија на Наталија Гаработо. Под фотографијата стои дека моделот добил „лајк“ од официјалниот Инстаграм профил на папата Франциск.
Папата има 7,2 милиони следбеници на својот Инстаграм профил, под корисничкото име „@franciscus“. Па затоа беше речиси невозможно некој од верниците да не го забележи официјалното име на профилот на папата на Инстаграм меѓу оние на кои им се допаднале фотографиите на бразилската манекенка.
Уживајќи ја оваа ненадејна планетарна популарност, Наталија се пошегувала: „Барем ќе одам во рајот“.
Како и да е, многу мали се шансите дека Папата управува со својот Инстаграм профил, што значи дека најверојатно станува збор за несреќен случај. Ватикан наскоро ќе мора да воведе менаџер за социјални мрежи, по скандалот со бразилската манекенка.
