Откако во јавноста се појави снимка од надзорните камери на која се гледа како Вук Моб физички напаѓа маж во едно кафуле, раперот реши да ја разјасни ситуацијата и да открие што всушност се случило. Иако снимката на која тој му приоѓа на мажот на шанкот и го удира неколку пати брзо се рашири на социјалните мрежи, раперот тврди дека не го познава човекот со кој се судрил.
„Бев во опуштена атмосфера со друштвото кога тој човек, од чиста мира, ми го навреди покојниот татко. Му пријдов за да го прашам во што е проблемот, бидејќи очигледно неговата намера беше да ме испровоцира“, изјави Вук Моб.
Тој додаде дека е исклучително чувствителен кога станува збор за неговото семејство и дека кај него нема шеги на таа тема.
View this post on Instagram
„На крајот го доби тоа што го бараше. Пред мене не се спомнува семејството во негативен контекст, а особено не мојот покоен татко“, дециден е раперот.
Додека снимките од инцидентот се коментираат на Инстаграм, Вук Моб веќе се подготвува за нови предизвици во рингот. По неодамнешниот пораз од Васо Бакочевиќ, тој наскоро ќе се соочи со Кристијан Голубовиќ на вториот хуманитарен турнир во организација на Бака Прасе.
