Раперот Вук Моб ги изненади своите следбеници со признание дека со години се бори со изразено месечарење. Тој вели дека речиси секоја ноќ несвесно се движи низ домот, преместува предмети, крши работи и понекогаш завршува на места на кои воопшто не се сеќава кога ќе се разбуди.
„Имам нешто многу интересно. Некои знаат, а некои можеби не знаат дека сум многу активен месечар. Секоја вечер кога ќе заспијам, почнува вистинска журка низ куќата. Преместувам работи, а што и да ми дојде при рака, правам хаос. Еднаш ме фатија како скокам по клавирот и целосно го искршив. Пред две ноќи се разбудив пред куќата, во дворот. Накратко, јас сум навистина страшен месечар“, раскажа Вук Моб.
За да открие што точно се случува додека спие, тој решил да постави безбедносни камери низ целиот дом.
„Ми дојде идеја да поставам камери низ куќата за да следам што правам навечер. Единствено ме плаши да не видам некои паранормални работи – ако се случи тоа, веднаш се селам. Камерите снимаат во сите насоки, го следат движењето, снимаат звук и имаат микрофон. Ако има нешто интересно, ќе го објавам на ТикТок. Почнува моето месечарско ријалити“, изјави раперот.
