Пејачка и водителка Јулија Мациевска ги разнежни пријателите на социјалните мрежи со својата искрена емоција.
По повод роденденот на својата внука Стефанија, таа сподели нејзина фотографија и упати срцепарателни зборови, потсетувајќи на нераскинливата врска што ја имаат, но и на празнината што ја носат во душите.
„СРЕЌЕН РОДЕНДЕН СТЕФ, сонце и светлино наша. Родена во знакот на близнаци, на денот на нашите двајца Светители Св. Кирил и Методиј, дојдена на свет со дупла енергија, со многу таленти, со љубов, со харизма која плени и скромност за восхит. Љубов наша, биди благословена со сè најубаво“, напиша Јулија.
Најтрогателниот дел од честитката е потписот, каде Јулија ја споменува својата прерано почината ќерка Андријана, испраќајќи порака дека мајчинската љубов нè чува и од вечноста: „Засекогаш со тебе, мами Ан-к’зм од вечноста и баба Јулија – твоја Јуки“.
Ќерката на Јулија и мајка на Стефанија, Андријана Мациев, почина по долга и тешка борба со ракот. Андријана, која беше позната македонска уметница и сликарка, ја изгуби битката со суровата болест во 2022 година, оставајќи ја зад себе својата единствена ќерка Стефанија која е актерка.
