По шест распродадени концерти во Скопје, Владо Јаневски на 10 август ќе одржи концерт во Атничкиот театар во Охрид.
Музичарот и кантавтор, по пауза од неколку години се враќа во Охрид, да ни го сервира својот безвременски каталог на хитови и да ги испее познатите рефрени кои се доказ дека Владо е еден од ретките пејачи кај нас, кој живее исклучиво од и за музиката.
На концертот, кој е најавен како романтичен и еуфоричен, ќе има низа на евергрини и песни кои со генерации се пеат повеќе од 30 години, а секоја негова песна е сама по себе музичка историја.
Билетите се достапни во продажба на сајтот купикарта.ком.
