Министерот за финансии Риши Сунак и министерот за здравство Саџид Џавид поднесоа оставки. „Не можеме да продолжиме вака“, вели Сунак.
Борис Џонсон се повеќе губи рамнотежа. Оставката на двајца клучни министри, во рок од неколку минути, ја загрозува стабилноста на владата.
Министерот за финансии Риши Сунак и министерот за здравство Саџид Џавид поднесоа оставки. „Не можам да продолжам да служам во оваа влада слушајќи ја мојата совест“, рече Џавид.
„Јавноста има легитимно очекување владата да биде водена од компетентност и сериозност“, напиша Сунак во оставката која ја објави на Твитер.
„Не можеме да продолжиме вака“, е неговиот заклучок. Во писмото, Сунак ги истакна „огромните предизвици“ со кои се соочува Британија, додавајќи дека британскиот народ е „подготвен да ја слушне вистината“.
The public rightly expect government to be conducted properly, competently and seriously.
I recognise this may be my last ministerial job, but I believe these standards are worth fighting for and that is why I am resigning.
My letter to the Prime Minister below. pic.twitter.com/vZ1APB1ik1
— Rishi Sunak (@RishiSunak) July 5, 2022
Оставките на двајцата министри од кабинетот го доведоа Џонсон во големи тешкотии по „Партигејт“ и другите неодамнешни секс скандали што се случија од членови на партијата, а во последниот скандал главната улога ја имаше Крис Пинчер, чија улога беше да одржува дисциплина меѓу пратениците, а беше обвинет за недолично однесување и малтретирање мажи.
Само неколку минути пред двајцата министри да поднесат оставка, Борис Џонсон се извини за назначувањето на Крис Пинчер на владина функција.
