03:45 - 8 април, 2025

Вкусови што се памтат: Руска кујна – Традиционална руска пита со јаболка (РЕЦЕПТ)

Кога ќе се спомне руска кујна нешто што прво ви доаѓа на ум е руската салата која е особено популарна во овој период. Типично за руската кујна е што изобилува со богатство од рецепти чии главни состојки се риба, живина, печурки, шумски бобинки и мед во десертите.

Денес се одлучивме за уште еден традиционален руски рецепт , а тоа е популарната руска пита со јаболка која е одлична за овие престојни празнични денови. Супер брза за подготовка и многу вкусна.

Состав:

· 5-6 поголеми јаболка
· 3 јајца
· 200 гр. шеќер
· 1 мала лажичка екстракт од ванила
· 125 гр. брашно
· 1 мала лажичка цимет
· 3 лажички шеќер во прав за декор

Подготовка:

Во подлабок сад ставете ги јајцата и шеќерот и изматате ги со миксер додека не добиете убава и густа смеса, а потоа додадете ја ванилата и брашното, па повторно изматете со миксер уште неколку минути.

Излупете ги јаболката, убаво исчистете ги од семки и исечете ги на покрупни коцки кои ќе ги поставите директно во тавата обложета со хартија.

Врз јаболката прелијте ја смеса и ставете ја тавата да се пече од 55-60 минути во претходно загреана рерна на 170C.

Откако убаво ќе се испече оставете ја да се олади и послужете.

Добар апетит!

Слични објави

Сузана Манчиќ била на „подмладување на интимната зона“: Водителката откри детали за третманот

Еспресо

(Фото) Полна куќа: Катарина покажа што прави со децата на Дарко Лазиќ од претходните врски

Еспресо

„Ќe пеам уште неколку години“: Дара Бубамара го шокирала синот со својата одлука за кариерата

Еспресо

(Фото) Ова е сопругот на Ведрана Рудан: Многу е помлад од неа, успешен во бизнисот, сега ѝ е поддршка во борбата со болеста

Еспресо

Оваа пејачка завршила само основно училиште: Не прочитала ниту една книга, а денес е многу популарна

Еспресо

Поранешниот телохранител на Викторија и Дејвид Бекам пронајден мртов во Шпанија

Еспресо