Холивудскиот актер Вил Смит ќе продолжи да работи на проекти на Нетфликс по скандалот со шамарот кој се случи на Оскарите.
Конфликтот со комичарот Крис Рок на филмските награди за малку ќе го чинеше кариера американскиот актер Вил Смит. По силната шлаканица на оскаровската сцена, неколку филмски компании одбија да соработуваат со холивудската ѕвезда.
Сепак, Смит неодамна јавно му се извини на комичарот и се чини дека успеа, барем што се однесува до смирување со проектите. Според Дејли Мејл, Нетфликс е подготвен да продолжи со работа со актерот.
Стриминг сервисот се согласи да сними биографски филм за животот на Смит кој бил планиран пред „бојкотирањето“ на холивудската ѕвезда.
Сепак, Нетфликс планира да не ја остави кавгата меѓу Смит и Рок без внимание, туку сака да ја направи дел од заплетот на идниот филм за актерот.
„Можеби шамарот и неговите последици се клучни моменти во животот на Вил и ќе станат дел од приказната на неговиот живот“, рекол извор за американските медиуми.
Да потсетиме дека за време на 94-тата церемонија на Оскарите, добитникот на Оксар Вил Смит веднаш на сцената му удри шлаканица на водителот Крис Рок. Комичарот неуспешно се пошегува на сметка на фризурата на сопругата на Смит, Џејда, која речиси и да нема коса поради алопеција.
