Во Лондон се одржа премиерата на документарниот серијал „Бекам“ за фудбалерот Дејвид Бекам. Во снимката сопругата на фудбалерот Викторија Бекам за прв пат зборуваше за неговата наводна афера со неговата лична асистентка Ребека Лос, која му се случи на спортистот во 2003 година и беше многу (о)зборувана. Најважните цитати за љубовниот триаголник ги објави Дејли Мејл.
20 години откако беше откриено дека Дејвид Бекам и неговата лична асистентка Ребека Лос наводно се зближиле додека тој играл во Шпанија за Реал Мадрид, Викторија Бекам откри како се справила со инцидентот. Таа изјавила дека тој период и бил најтежок во животот и дека повеќе не чувствувала дека таа и Дејвид „се имаат еден со друг“.
„ Тоа беше најтешкиот период за нас. Затоа што порано често ни се чинеше дека целиот свет е против нас. Но, ние секогаш се имавме еден со друг… Пред Мадрид понекогаш се чинеше дека сме против сите други, но бевме заедно, бевме поврзани, се имавме еден со друг. Но, во Шпанија оваа врска изгледаше прекината. И беше тажно. Не можам ни да ви објаснам колку беше тешко. И како тоа влијаеше на мене“, изјави Викторија.
„Секогаш кога се будевме чувствувавме дека има нешто друго меѓу нас… Во тоа време и двајцата чувствувавме дека не само што се губиме еден со друг, туку и се давиме“, коментираше Дејвид, кој, сепак, никогаш официјално не признал за предавство.
Дејвид Бекам исто така призна дека се уште не знае како ја преживеале кризата во 2003 година. Тој и Викторија знаеле дека мораат да се „борат за своето семејство“, иако гласините за нивниот развод и неговото неверство биле на насловните страници на таблоидите со месеци, објасни фудбалерот. Бекам рече дека тогаш „се чувствувал физички болен секој ден“.
Во 2003 година, Дејвид Бекам станал мета на светските таблоиди кога деталите за неговата наводна врска со неговата асистентка Ребека Лус беа објавени во сега веќе непостоечкиот весник News Of The World. Во тоа време, Викторија одлучила да остане во Лондон за да можат нивните синови Бруклин и Ромео да ги посетуваат своите соодветни училишта. Оваа одлука го вознемирила Бекам, а тој признава дека тогаш му било најтешко.
„Бев продаден преку ноќ (во друг клуб), следната минута бев во град каде што сите го зборуваа јазикот кој јас не го познавам, што е уште поважно, го немав своето семејство со мене“, рече тој.
Да потсетиме дека во 2003 година Дејвид Бекам се пресели од англискиот клуб Манчестер Јунајтед во шпанскиот Реал Мадрид и од Велика Британија се пресели во Шпанија. Во 2007 година, фудбалерот потпиша договор со клубот Лос Анџелес Галакси, по што тој и неговото семејство се преселија во Лос Анџелес. Според Викторија, откако се преселила од Шпанија, конечно здивнала.
Денес, Ребека Лус е среќно мажена во Норвешка, има две деца и е инструкторка по јога и медитација.
View this post on Instagram
