Пејачката Вики Миљковиќ разви бизнис со недвижнини и, како што самата рече за српските медиуми, ѝ оди неверојатно добро, па за 45 секунди распродаде цела зграда во луксузна населба Белград на Вода.
– Белград на вода стана центар на случувањата на Балканот. Не само овде, туку воопшто. Таква населба во регионот нема, само во Турција. Купуваат и Турците, Кинезите, Русите, Украинците, нашата дијаспора. Белград на вода се распродава за 45 секунди. Распродадовме една зграда за 45 секунди – изјави пејачката за Светски радио.
На новинарско прашање колку ѝ е тешко да се занимава со основната работа, пеењето, но и недвижностите, Вики откри дека има уште еден бизнис.
– Имам и трета работа. Имаме компанија во Истанбул, која произведува мебел за хотели и ресторани, а тоа ми одзема многу време, бидејќи за тоа сум во Истанбул барем 10 дена во месецот, но уживам во сето тоа и не ми е тешко – рече Миљковиќ.
