Поп-ѕвездата Кети Пери и поранешниот канадски премиер Џастин Трудо се фатени во страствена љубовна прегратка, по месеци шпекулации. Страсните моменти беа забележани на јахта покрај брегот на Санта Барбара, Калифорнија, а фотографиите не оставаат простор за сомнеж, пренесува „Дејли мејл“.
На фотографиите, првично објавени од „Дејли мејл“, за кои се тврди дека ги направиле туристи од близок брод за набљудување китови, 40-годишната пејачка и 53-годишниот политичар се препуштија на нежност. Пери, облечена во црн костим за капење, го прегрна Трудо, кој беше без маица и во фармерки. Двајцата разменија бакнежи, а во еден момент поранешниот премиер беше снимен како ја држи пејачката за задникот додека уживаа на нејзината 24-метарска јахта наречена „Каравел“.
Искрата меѓу неочекуваниот пар првпат беше видена во јули, кога беа забележани на интимна вечера во ресторанот „Ле Виолон“ во Монтреал, како што објави „ТМЗ“. Парот наводно уживал во коктели и јастог, а нивниот интимен разговор предизвика низа медиумски шпекулации за природата на нивната врска.
Дека вечерата била повеќе од само случајна средба беше потврдено само неколку дена подоцна. Трудо, придружуван од неговата 16-годишна ќерка Ел-Грејс, беше виден во првиот ред на распродадениот концерт на Кети Пери во Монтреал. Сведоците на очевидци и снимките од социјалните мрежи го покажаа поранешниот премиер како се смее додека ги пее нејзините најголеми хитови, вклучувајќи ги „Firework“ и „Dark Horse“, дополнително поттикнувајќи ги гласините за романса.
Ова страсно патување со јахта доаѓа во време кога двајцата се слободни. Пери ја раскина свршувачката со актерот Орландо Блум, со кого ја има петгодишната ќерка, Дејзи Дав. Трудо, од друга страна, објави во август 2023 година дека се разведува од сопругата Софи Грегоар, со која има три деца, по 18 години брак. Извори блиски до двојката изјавија за списанието „Пипл“ дека почувствувале „моментална поврзаност“ и дека, и покрај предизвиците на врската на далечина и родителските одговорности, постои силна привлечност меѓу нив.
