Гвинет Палтроу ги претстави новите секс играчки на својот бренд Goop со иронично видео на Инстаграм. „Мал, но моќен“ вибратор, како што стои во натписот на објавата, со елегантен и иновативен дизајн.
Актерката, која веќе некое време продава еротски играчки, свеќи и слични секси додатоци, на својот сајт, никогаш не ја криела оваа сензуална страна од неа, напротив. „Потиснувањето на сексуалноста, особено женската, е контролна алатка веќе долго време. Им помагам на жените да стапат во контакт со нивните тела и да не се срамат ако сакаат секс“, изјави своевремено Палтроу.
Новиот вибратор создаден од ѕвездата се вика Viva La Vulva (да живее вагината) и се продава на нејзината е-страница по цена од 95 евра. За да го претстави лансирањето на новиот производ на Goop, Гвинет Палтроу го сними ова мини видео кое потоа беше објавено на социјалната мрежа. Видеото ја прикажува актерката во нејзиниот дом во Калифорнија како се обидува да разбере од каде доаѓа музиката во позадина. Во собата одекнува Примавера на Вивалди.
„Алекс исклучи ја музиката“, прашува Палтроу, но уредот одговара дека не свири песна. Потоа, таа сфаќа. Бела кутија лежи на масата, внатре има зелена секси играчка во форма на полумесечина. Штом актерката ќе го исклучи вибраторот, музиката престанува, јасна референца за тоа како овој мал „но моќен“ објект може да пренесе небесни сензации, исто како нотите на композицијата.
View this post on Instagram
