Латино пејачот Бед Бани, добитник на три награди Греми и еден од најголемите светски претставници на музиката на шпански јазик, ќе биде главниот изведувач на полувремето на Супербол во февруари 2026 година, објави Националната фудбалска лига.
Супербол е најгледаната телевизиска програма во Америка, а минатата година повеќе од 130 милиони луѓе го следеа настапот на Кендрик Ламар. Големото финале оваа сезона ќе се одржи на 8 февруари 2026 година на стадионот „Ливајс“ во Санта Клара, Калифорнија, во близина на Сан Франциско.
„Она што го чувствувам е многу повеќе. Тоа е за сите што беа пред мене и претрчаа безброј препреки за јас да постигнам погодок… ова е за мојот народ, за мојата култура и нашата историја. Кажете ѝ на вашата баба дека ние ќе бидеме на полувреме на Супербол“, изјави Бед Бани.
Вистинското име на пејачот е Бенито Антонио Мартинес Окасио. Роден е во Порторико, а светска слава стекна со песни како „MIA“, „I Like It“, „Me Porto Bonito“ и „Dákiti“.
Бед Бани има десет номинации за музичката награда Греми и три освоени награди – за најдобар албум во категоријата музика урбана со „Un Verano Sin Ti“ и „El Último Tour del Mundo“, како и за најдобар латино поп или урбан албум со „YHLQMDLG“. Освоил и 12 награди латино Греми.
View this post on Instagram
