По настапот на годинешниот музички фествал Макфест, кој се случуваше во петокот и саботата во Штип, пејачката и докторка Симона Поповска лансираше и спот за новата песна насловена Бакни ме за крај.
Песната и спотот носат порака против семејното насилство и воопшто насилството врз девојките и жените.
„Статистички секоја четврта жена во светот е жртва на родово базирано психолошко насилство од страна на партнерот, а токму преку фениксот кој беше инспирација и за креацијата што ја носев на Макфест сакав да ја испратам пораката што се појавува и на крајот од видеото – дека секој има свој пат и право да го изоди. Секој треба и може да го разбуди фениксот во себе, кој всушност ја симболизира трансформацијата и обновувањето“, објасни Симона, која инаку, носеше креација од модниот дизајнер Златко Јовановски.
View this post on Instagram
Згодната Охриѓанка се врати на музичката сцена во полн сјај, откако се омажи и роди две деца поради кои направи пауза од музиката.
Симона најави дека сега е време да се посвети на музиката, а наскоро од неа може да очекуваме и нова песна.
– Следните соништа ми се да направам албум, но онаков каков што јас сакам, со оние песни коишто мислам дека се за мене. И да напрвам концерт во иднина, рече Симона за еспресо, и додаде дека прво би сакала да ја освои македонската публика, а потоа ќе се стреми кон регионот.
