Нетфликс го објави првиот трејлер за „Fubar“, серија во која глуми 75-годишниот Арнолд Шварценегер, пишува Дејли Мејл.
Актерот го глуми Лук Брунер, таен оперативец кој се ближи до времето за пензионирање, но се ќе тргне поинаку од планираното кога тој ќе дознае дека и неговата ќерка Ема (Моника Барбаро) работи како таен агент.
Лук мора да го одложи своето пензионирање за да ја спаси својата ќерка во неговата последна работа како таен агент.
Во новата серија од осум епизоди играат и Милан Картер, Форчун Фајмстер, Тревис Ван Винкл, Џеј Баручел, Енди Бакли, Апарна Брил, Барбара Ив Харис, Фабијана Уденио и Габриел Луна. „Fubar“ дебитира на Netflix на 25 мај.
