„Не сакаме АМПТП да нѐ искористува“, изјави Мајк Маса, каскадерот на актерот Харисон Форд кој се качи на сцената на протестот во Атланта и си ја запали облеката.
Тој пред синдикатот на продуцентите се сети и на својот колега Џон Бренекер, кој почина на снимањето на филмот Walking Dead во 2017 година.
„Кажете му го тоа на мојот пријател кој умре додека работеше на вашата серија. Кажете му го тоа на секој од нас што крши коски за вашите филмови и серии“, рече тој.
Здружението SAG-AFTRA се обиде да преговара со Алијансата на филмски и телевизиски продуценти во име на каскадерите. Тие понудија подобри плати за координаторите на акробации, провизии од репризи на мрежата и емисии за стриминг со голем буџет и пауза помеѓу работните денови. Но, безуспешно.
Потсетуваме, штрајкот на актерот во Холивуд трае веќе неколку недели. Протестите се продолжување на притисокот од мај врз медиумската индустрија вредна повеќе милијарди долари, додека таа се бори со „сеизмичките промени“ во бизнисот.
Во Њујорк и Лос Анџелес, актерите маршираа пред канцелариите на Netflix Inc., Paramount Global и други компании, изразувајќи барања за повисоки плати за актерите и други бенефиции.
View this post on Instagram
