Познатиот рапер Дрејк, кој своевремено изјави дека е вљубен во Ријана, осум години по раскинувањето на нивната врска, напиша песна за неа.
Песната се фокусира на непријатни критики за сексот со неа. Познато е дека Ријана веќе е во врска со АСАП Роки и неодамна го роди своето второ дете.
Дрејк (36) ги критикуваше Ријана (35) и таткото на нејзините две деца, АСАП РОКИ (ASAP Rocky), во песната Fear of Heights од неговиот нов албум For All The Dogs, објавен во петокот, 6 октомври.
Во песната Дрејк прво прашува: „Зошто зборуваат како да сум сè уште опседнат со тебе?“, потоа открива дека не е, а потоа пее – „сексот со тебе беше просечен“.
Има и неколку реплики за ASAP Rocky, со кој Ријана моментално е во врска. Дрејк навестува за нивните проблеми во врската, вели дека „не може да ја остави“, а потоа ја критикува неговата музика.
Ова е првпат Дрејк воопшто да ја спомене својата романса со пејачката. Тие раскинаа пред осум години и никогаш не зборуваа за нивната врска.
Во 2018 година, Ријана изјави за Вог дека таа и Дрејк „во моментов не сме пријатели, но ние не сме непријатели. Тоа е она што е“.
Таа, исто така, зборуваше за тоа како Дрејк изненадувачки се појави на MTV VMA наградите во 2016 година за да ѝ ја додели наградата Видео авангард.
Во 2021 година, пејачката започна да се забавува со АСАП Роки и ја објави својата прва бременост во јануари 2022 година. Парот во мај доби машко дете.
На Супер Боул 2023, таа директно од сцената објави дека е бремена по втор пат. Во август Ријана го роди вториот син.
