Претседателот на Украина Володимир Зеленски одвои време да го прими американскиот актер Шон Пен, што може да се види во неговиот филм „Супермоќ“, чија премиера беше во петокот во Берлин.
Седејќи во празна соба без прозорци, Зеленски шпекулираше за мотивите на рускиот претседател Владимир Путин за инвазијата.
Sean Penn’s Ukraine War Doc ‘Superpower’ Receives Warm Reception at Berlin World Premiere https://t.co/VYxvWSyPPU
— The Hollywood Reporter (@THR) February 17, 2023
– Сака да бидеме мртви. Ја мрази Украина. Не мрази нас – рече Зеленски за рускиот претседател во централната сцена на документарецот.
Филмот, во режија на Пен и Арон Кауфман, започнува неколку месеци пред инвазијата, а Пен најде инспирација во преминот на колегата Зеленски од филмскиот сет во канцеларијата на претседателот. Потоа, инвазијата драматично ја зголеми важноста на филмот и го претвори Пен во страстен застапник за Украина.
– Во борбата против руската инвазија, Украина се бори за сите нас – изјави Пен пред публиката на премиерата на филмот.
Продуциран од канадско-американското списание Vice, филмот е снимен одблиску и „рачно“ во стилот на интерактивен документарец и ги прикажува напорите на Пен да ја разбере Украина, нејзиниот претседател и нејзината борба.
Во филмот, Пен и Кауфман го поддржуваат американското вооружување на Украина и со тоа покажуваат дека одлуката на Зеленски да ги прими на првиот ден од инвазијата е вешт потег во информативната војна на Украина.
– Ако не победиме денес, Американците ќе водат војни за неколку години – изјави Зеленски за Пен во подоцнежното интервју, предупредувајќи дека поразот на Украина ќе има далекусежни последици.
Речиси една година по инвазијата, силите на Путин се уште се во Украина и ги засилуваат нападите на исток како дел од, како што ја нарекува Москва „специјалната воена операција“ во која загинаа илјадници луѓе, а раселени се милиони.
Камерата речиси непријатно ги приближува гледачите до смртта и крвопролевањето што ги оставија руските војници кои се повлекуваа, а филмот е искрен за ограничувањата која ги согледува една холивудска ѕвезда среде војна.
„Можам ли да бидам искрен? На филмот се слуша како зборува еден од телохранителите. „Вие стеШон Пен. Никој нема да биде одговорен за вашата смрт на бојното поле“.
