Никола Станишиќ, победникот на овогодинешната сезона на музичкиот натпревар „Ѕвездите на Гранд“, вчера се врати во родната Македонија, каде што му беше приреден величествен дочек.
Една недела откако триумфираше во големото финале, Никола пристигна дома, каде што го пречекаа бројни фанови, пријатели, сограѓани и семејство, сите со иста цел да му честитаат и да ја споделат радоста за неговиот огромен успех.
View this post on Instagram
Со песни, прегратки и солзи радосници присутните го скандираше неговото име, а младиот пејач не ги криеше своите емоции. Со насмевка на лицето, им се заблагодари на сите за поддршката, пееше заедно со собраните и се фотографираше со сите што сакаа спомен со победникот.
– Моето Волково – напиша победникот заедно со видеото што го сподели на своите социјални мрежи.
