Британската поп-ѕвезда со албански корени, Дуа Липа, ги насмеа своите следбеници со видео снимено по ноќно излегување во Приштина, на кое во 4:30 часот наутро ужива во плескавица.
Пејачката беше во друштво на сестра си Рина, а додека јадеше, низ смеа порача:
„Ма, каков авокадо тост?“
Во видеото, Рина зема залак од плескавицата, по што двете го покажуваат часовникот на мобилниот телефон, кој покажува 4:30 часот.
„Време е за појадок“, вели Дуа, а потоа додава: „На балкански начин“.
Токму ова видео предизвика повеќе реакции на социјалните мрежи отколку снимките од настапите на светските ѕвезди што ги сподели од фестивалот. Во коментарите, многумина се пошегуваа дека Дуа, по ноќен излез, се однесува „како секој вистински Балканец“ – со плескавица пред да си замине дома.
Дуа Липа престојува во Приштина поради фестивалот „Сани Хил“, кој го организира заедно со својот татко преку хуманитарната фондација „Сани Хил“. Приходите од фестивалот се наменети за добротворни организации, културни проекти и иницијативи за поддршка на младите на Косово.
