Ријана и Лејди Гага беа номинирани за најдобра оригинална песна на 95-тото доделување на Оскарите што се случуваше вчеравечер. Веднаш по нивните настапи, фановите почнаа да ги споредуваат нивните изведби.
Лејди Гага ја изведе нумерата Hold My Hand од Топ Ган: Маверик на Том Круз, додека Ријана го изведе Lift Me Up од Black Panther: Wakanda Forever.
View this post on Instagram
Се до последен момент, Лејди Гага не го потври присуството поради нејзините претходно закажани ангажмани, поточно беше ангажирана како дел од актерската екипа на Џокер: Folie à Deux. Сепак, во последен миг дојде до промени.
Lady Gaga performs a stripped-down version of “Hold My Hand” at the #Oscars. https://t.co/ndiKiHeOT5 pic.twitter.com/dLlahLTjht
— Variety (@Variety) March 13, 2023
Глен Вајс претходно спомна дека „Ги поканивме сите петмина номинирани. Имаме одличен однос со Лејди Гага и нејзината екипа. Таа во моментов е среде снимање на филм“.
За време на настапот на Лејди Гага на Оскарите, таа спомна дека песната ја изработила во своето студио во подрумот, а за настапот носеше искинати фармерки, патики и маица. Изведбата ѝ беше одлична.
Но и настапот на Ријана наиде на овации
Ријана се упати кон тепихот во нијанса на шампањ, облечена во целосно црна модна комбинација, покажувајќи го своето прекрасно трудничко испакнато стомаче, пред нејзиниот настап.
Потоа дојде време Ријана да ја отпее хит песната ‘Lift Me Up’ која беше посветена на сите кои учествуваа во филмот како и на починатиот глумец и продуцент Чедвик Босеман.
По настапот на Ријана, таа доби овации од целиот театар вклучувајќи го и таткото на нивното прво дете A$AP Rocky.
Rihanna performs “Lift Me Up” at the #Oscars. https://t.co/ndiKiHfmID pic.twitter.com/cyESzOZnmm
— Variety (@Variety) March 13, 2023
Фановите на социјалните мрежи речиси се натпреваруваат која изведба била подобра, на Ријана или пак, на Гага.
Но сигурно е дека и двете изведби беа навистина добри, но овациите го дадоа одговорот на прашањето кој се претставил подобро. Според овациите – како што пишуваат фановите – за малку води претставувањето на Гага.
На крајот, Оскарот им беше доделен на М.М. Кееравани и Чандрабоуз за песната Натуу Натуу во индискиот филм RRR.
