Најстарата од сестрите Кардашијан, 44-годишната Кортни и нејзиниот сопруг, тапанарот на Blink-182, Тревис Баркер, на социјалните мрежи го открија полот на нивното неродено дете.
View this post on Instagram
На видеото објавено на социјалните мрежи, се гледа како Кортни Кардашијан седи во скутот на нејзиниот сопруг, кој пак, е седнат пред комплетот тапани. Откако ја праша сопругата и потенцијалната публика дали се подготвени, Тревис Баркер удира на тапанот, парот се бакнува, по што сини конфети летаат на небото.
На овој начин брачните другари ги информираа своите следбеници за полот на нивното следно дете – сини конфети, односно машко дете.
Ова ќе биде четврто дете за Кортни Кардашијан – таа веќе има два сина и една ќерка со поранешниот партнер Скот Дисик. Тревис Баркер, исто така, има две деца со неговата поранешна сопруга, Мисица на САД 1995 година, Шана Моклер.
Инаку, Кортни Кардашијан јавно му ја соопшти бременоста на Тревис Баркер со кревање транспарент на неговиот концерт во Лос Анџелес на 17 јуни. „Тревис, бремена сум!“.
Подоцна, ѕвездата објави и фотографија на која позира со заоблен стомак во костим за капење.
