Колкаво срце имал Андреј Ѓорѓиески од дуото „ДНК“ раскажа неговата сопруга Наталија, на денот кога измина девет месеци од неговата смрт.
Наталија сподели видео од Андреј во кое се покажува колку хуман човек бил тој. И Андреј, и неговиот колега Панчо кој почина на 14 октомври, секогаш им помагаа на сиромашните и болните, но им помагаа и на животните.
На видеото што го сподели Наталија Ѓорѓиеска е снимено од ЈП „Лајка“, а Андреј во него апелира да се вдоми куче кое, како што вели пејачот во видеото, е оставено од неговите сопственици, и би било пожелно некој да го вдоми.
– Макс е многу питом, ама е темпераментен и живчан како мене. Како викаат, кучето е најдобар пријател на човекот, така што, некој со двор и со убава куќа мислам дека ќе си го види алот ако го вдоми ова убаво куче и куќата ќе му биде безбедна – вели Андреј во ова видео кое е објавено во јули во 2024.
Пејачот загина во трагичниот пожар во дискотеката „Пулс“ во Кочани на 16 март. Негова најголема љубов, покрај сопругата беше ќерката Јана која има 11 години.
