Младиот пејач Јаков Јозиновиќ синоќа го одржа четвртиот од вкупно осумте закажани концерти во белградскиот Сава центар, потврдувајќи дека интересот за неговите настапи не стивнува.
По концертот, Јозиновиќ застана пред медиумите и одговори на повеќе прашања, меѓу кои и за неодамнешните критики од Јелена Карлеуша.
Иако таа остро го коментираше неговиот успех и колегите кои го поддржуваат, младиот пејач избра смирен и воздржан тон.
„Немам одговор на тие коментари, освен што публиката која пееше вечерва со мене го даде одговорот“, изјави Јозиновиќ.
Тој не ја криеше благодарноста за поддршката што ја добива и емоциите што ги доживува на сцената.
„Му благодарам на Бог секој ден и се молам за луѓето што доаѓаат. Белградската публика е прекрасна. Не можам да поверувам што ми е дадено“, рече пејачот.
Јозиновиќ истакна дека и покрај брзиот успех, останува фокусиран на музиката и публиката, признавајќи дека се соочува со притисоци, но дека љубовта кон музиката е водилка.
„Љубовта е единствено важна. Се борам со притисоците, но се занимавам само со публиката и концертите“, додаде тој.
Во однос на колегите кои присуствуваат на неговите настапи, пејачот покажа почит и благодарност.
„Имам огромно почитување кон сите што дојдоа. Тие се многу подолго на сцената од мене и не ми беше сеедно ни да ги поканам“, рече Јозиновиќ.
На прашањето дали стапил во контакт со Тони Цетински, кратко одговори дека не е сигурен, бидејќи во меѓувреме го променил телефонскиот број.
И покрај популарноста, Јозиновиќ вели дека не планира да се менува.
„Треба да се покорам и да ѝ се заблагодарам на публиката. Немам причина да се менувам, публиката ме засака ваков каков што сум“, порача тој.
Видеото можете да го погледнете ТУКА.
