Легендарниот глумеџ Ентони Хопкинс прослави 47 трезни години. За оваа прилика сними кратко видео во кое сподели неколку свои размислувања за алкохолизмот, но и за животот воопшто.
– Само сакам на сите да им ја честитам Новата година и да кажам дека денеска ја славам мојата 47-ма трезна година. Ова е порака која не е тешка, но се надевам дека ќе биде корисна. Јас сум излечен алкохоличар и знам дека има луѓе кои се борат. Во оваа доба на откажување, омраза, без компромис, деца кои се малтретирани, велам: „Бидете добри со себе. Бидете љубезни. Држете се подалеку од токсични луѓе. Живејте го својот живот. Бидете горди на својот живот“ – порачува Хопкинс.
View this post on Instagram
Глумецот се присети колку бил очаен пред речиси пет децении, пред да се отрезни. Вели дека тогаш „веројатно немал долго да живее“, но дека еден ден конечно признал дека нешто не е во ред.
– Не сфатив дека тоа е некаква состојба – ментална, физичка, емоционална состојба наречена алкохолизам или зависност. Не сум експерт за дроги – не сум експерт за ништо. Не знам ништо. Освен што најдов живот во кој никој не ме малтретира – рече актерот.
