Ким Кардашијан и оваа година не штедеше на празничниот сјај. Ѕвездата на реалното шоу „Семејството Кардашијан“ (The Kardashians) ги откри своите божиќни украси за 2025 година преку серија објави на својот инстаграм-профил, претворајќи го својот дом во вистинска зимска бајка исполнета со светилки, снегулки и празнични детали.
„Тукушто завршивме со декорацијата. Не можам да ви објаснам како мириса и како се чувствува сето ова“, рече старлетата додека ја снимаше долгата низа елки поставени по нејзиниот ходник.
Елките, покриени со вештачки снег и светлечки ламбички, создаваа впечаток на снежна шума која се протега низ целиот дом.
Додека минуваше покрај украсите, Кардашијан забележа фигура со елф скриена меѓу гранките.
„О, гледам едно мало елфче кое се крие во дрвото“, искоментира таа.
Потоа ги покажа празничните детали во дневната соба и кујната, меѓу кои и декоративна макета на куќичка поставена на работната површина.
Во следните видеа Кардашијан ги прикажа елките со музичка позадина на песната „Twinkling Lights“ од Ауни, а потоа сподели и посебен момент — композиторот Филип Корниш во живо ја изведуваше „Away in a Manger“ на пијано во нејзиниот дом.
Кардашијан, која ги има ќерките Норт (12) и Чикаго (7) и синовите Сејнт (9) и Псалм (6) со поранешниот сопруг Канје Вест, е позната по своите раскошни празнични декорации. Минатата година централниот украс во нејзиниот ходник беше огромна вештачка елка, додека во 2023 година таа и Норт открија дека спалната соба на девојчето била претворена во „Северен пол“ со украсни дрвца, чантички, „Шанел“ орнаменти и тематски перници.
